MON.ARCH — Астанада орналасқан сәулет бюросы.
Біз тұрғын үй кешендерінің, бизнес орталықтарының, қонақүйлер мен қоғамдық ғимараттардың жобаларын әзірлейміз.
Жылжымайтын мүліктің құндылығын арттыратын әрі қалалардың заманауи келбетін қалыптастыратын сәулет жобаларын әзірлеу.
MON.ARCH жобаның барлық негізгі кезеңінде қолдау көрсетеді. Бұл жұмыс аумақты талдау мен тұжырымдама әзірлеуден басталып, жобалауды қамтиды. Құрылыс барысында жоба авторы кеңес беріп, бастапқы сәулет идеясының жүзеге асуына көмектеседі.
Біздің ұжымАлдымен жер телімін, оның айналасындағы ортаны және тапсырыс берушінің алға қойған міндеттерін зерделейміз. Осыған сүйеніп, нысанды болашақта пайдаланатын адамдардың қажеттіліктерін, жобаның бюджетін және оны жүзеге асыру шарттарын ескеретін шешімдер ұсынамыз.
Евгений Долдырин — сәулетші, MON.ARCH бюросының негізін қалаушы әрі жетекшісі. Арқалық қаласының тумасы. 2009 жылы Еуразия ұлттық университетін бітірген. 15 жылдан астам уақыт бойы тұрғын үй кешендерін, қоғамдық ғимараттар мен жеке нысандарды жобалаумен айналысып келеді. Жобалардың негізгі тұжырымдамаларын әзірлеуге өзі тікелей қатысады. Бұл жұмыста сәулеттің көркемдігі мен жобаның экономикалық қырларын ұштастырып, болашақта сол кеңістіктерде тұратын және жұмыс істейтін адамдардың қажеттіліктеріне көңіл бөледі.
Нарықты талдау, маркетинг, дизайн және жылжымайтын мүлік салаларының мамандары мен кеңесшілерін жобаның ауқымына және алға қойылған міндеттерге қарай жұмысқа тартамыз.
Олардың білімі мен тәжірибесі болашақ нысанның қандай үлгісі нарықта сұранысқа ие болатынын анықтауға көмектеседі. Сондай-ақ жобаға ұсынылған шешімдерді оның экономикалық есептерімен және нысанды пайдалану талаптарымен үйлестіруге мүмкіндік береді. Соның нәтижесінде тапсырыс берушінің мүддесін, нарықтағы сұранысты және нысанның даму келешегін ескеретін біртұтас тұжырымдама қалыптасады.
01 — Талдау. Жер телімін, оның айналасындағы ортаны, қала құрылысына қатысты шектеулерді және тапсырыс берушінің алға қойған міндеттерін зерделейміз. Аумақтың мүмкіндіктерін анықтап, болашақ нысанның қандай үлгіде болатынын айқындаймыз.
02 — Тұжырымдама. Жобаның негізгі идеясын ұсынамыз: нысанның келбетін, пішіні мен кеңістікте орналасуын, сондай-ақ кеңістіктің атқаратын қызметіне қарай аймақтарға бөлінуін айқындаймыз. Жоба нұсқаларын сызбалар мен көрнекі бейнелер арқылы көрсетеміз.
03 — Эскиздік жоба. Бас жоспарды, ғимаратты жоспарлауға байланысты шешімдерді, қасбеттер мен қималарды әзірлейміз. Техникалық-экономикалық көрсеткіштерді құжатқа түсіріп, жобаны келісуге ұсыну үшін қажетті материалдарды дайындаймыз.
04 — Жобалық құжаттама. Жұмыс құжаттамасын жобалау саласындағы сенімді серіктестеріміз әзірлейді. MON.ARCH олардың жұмысын үйлестіріп, бастапқы сәулет идеясының жобаның әр бөлімінде сақталуын қадағалайды.
05 — Жоба авторының құрылыс барысын қадағалауы Құрылыс барысында мердігерлерге кеңес беріп, атқарылып жатқан жұмыстың жобаға сәйкестігін бақылаймыз. Құрылыс алаңында шешім қабылдауға көмектесеміз.
5 ел · 12 қала MON.ARCH жобалары Қазақстанда, Өзбекстанда, Ресейде, Черногорияда және Біріккен Араб Әмірліктерінде жүзеге асырылады.
Қазақстан: Астана, Алматы, Шымкент, Атырау, Павлодар, Ақтау, Талдықорған, Қаскелең
Өзбекстан: Ташкент
Ресей: Омск
Черногория: Тиват
Біріккен Араб Әмірліктері: Дубай
Жобаның негізгі идеясын қалыптастырамыз: нысанның келбетін, композициясын және атқаратын қызметіне сай құрылымын айқындаймыз. Жер телімінің мүмкіндіктерін сызбалар мен көрнекі бейнелер арқылы көрсетеміз.
Бас жоспарды, ғимаратты жоспарлауға байланысты шешімдерді, қасбеттер мен қималарды әзірлейміз. Жобалаудың келесі кезеңдеріне негіз болатын нысан параметрлері мен техникалық-экономикалық көрсеткіштерді анықтаймыз.
Аумақты дамыту тұжырымдамасын әзірлейміз. Ғимараттардың, түрлі мақсатқа арналған аймақтардың, жолдар мен қоғамдық кеңістіктердің орналасуын жоспарлаймыз. Олардың өзара байланысын ойластырып, адамдарға қолайлы орта қалыптастырамыз.
Тұрғын үйлердің, коммерциялық және қоғамдық нысандардың ішкі кеңістігін жобалаймыз. Бөлмелер мен аймақтардың орналасуын жоспарлап, материалдар мен жарықтандыруды таңдаймыз. Болашақ интерьердің көрнекі бейнелері мен сызбаларын дайындаймыз.
Құрылыс барысында бастапқы сәулет идеясының сақталуына көмектесеміз. Мердігерлерге кеңес беріп, жобаның жекелеген тұстарын нақтылаймыз. Қандай материалдар қолданылатынын және жобаны іске асыруда қандай шешімдер қабылданатынын тиісті тараптармен келісеміз.
MON.ARCH — заманауи сәулет пен қалада адамдарға қолайлы жағдай жасауға ортақ көзқарасы бар кәсіби сәулетшілер тобы.
Студияның негізін қалаушы әрі жетекшісі — сәулетші Евгений Долдырин. Ол 16 жылдан астам уақыт бойы компанияның негізгі идеяларын әзірлеуге және сәулет саласындағы бағытын айқындауға тікелей қатысып келеді.
Біз кәсіби тәжірибені, заманға сай көзқарасты және уақыт өтсе де өзектілігін сақтайтын жобалар жасауға деген ұмтылысты ұштастырдық.
Қандай міндетті шешу қажет екенін айтып беріңіз. Біз сізге жауап беріп, бірлесіп жұмыс істеудің қолайлы жолын ұсынамыз.
