Кешеннің Шымкент дендросаябағының жанында орналасуы жобаның ерекшеліктерін айқындаған. Ғимарат бөліктері әртүрлі биіктікте жобаланған, түстері көзге жайлы табиғи реңктерден таңдалған. Ұлттық ою-өрнек элементтері заманауи сәулетпен үйлестірілген.
Автокөлік кірмейтін жабық аула да тұрғындардың табиғатқа жақын болуына лайықталып жобаланған. Жасыл желек, демалыс орындары, табиғи материалдардан жасалған балалар алаңдары мен спортқа арналған аймақтар өзара үйлесіп, ауланың іші тұтас абаттандырылған.
